بقابل نوعية المدير ده اللي بيلف ويدور بلا نتيجة . تعالي أقولك تعرف ازاي المدير الحلزوني ؟
١- مبيعرفش يواجه مشاكله …بيرجع لورا ويستخبي في قوقعته ومش هتعرف توصله غير لما يعرف ان الدنيا هديت ..ساعتها بس هيظهر !
٢-هتلاقي خطواته بطيئة وأي قرار بيحتاج شهور من التردد وكأن السوق هيستناه وفريقه هيفضل بنفس طاقته !!
٣- اجتماعاته طويلة بلا داعي يفضل يلف حوالين نفس النقطة عشرات المرات
٤- بيعرف يحافظ علي مكتسباته وانجازاته السابقة كويس قوي بس في المقابل هتلاقي عنده نزيف فرص ومكاسب
طب لو مديرك “حلزوني” … تتعامل معاه ازاي؟
أولا : دايما جهزله الصورة الكاملة اللي تجاوب علي كل اللي في دماغه بدون مايسأل واياك و الغموض معاه أو انك تثير شكوكه في الأرقام والبيانات اللي بتقدمهاله …لأنه ببساطه هيخليك عبرة للناس
ثانيا : الالحاح بس بذكاء انك تربطله القرار بوقت نهائي (Deadline) أو فرصة هتضيع .. ده بيساعده يخرج من القوقعة
ثالثا : خليك صبور جدا معاه لأنه هياخد وقت أطول من العادي عشان يكون أسرع ومتنساش انه شايف ان البطء والتردد ..حكمة!