هتلاقيه في شركات كتير.. مدير لطيف.. ظريف.. محبوب.. تاخد منه أحلى ابتسامة.. وأضعف إدارة
٤ مؤشرات هتعرفك انك بتتعامل مع المدير الحبوب:
١- بيسكت عالغلط علشان ميزعلش حد
٢- بيدي وعود أكتر من قدرته
٣- مبيعرفش يقول لأ
٤- بيهرب من المواجهة على أمل ان الأمور تتحل مع الوقت
وطبعا بتكون النتيجة فريق ميكس بين ناس حبوبه ومايعه وناس جادة ومش طايقة
طب نتعامل ازاي مع المدير الحبوب ؟
١-ساعده يكون حاسم واديله اختيارات محدودة لأنه بياخد وقت طويل عشان يوازن بين الاختيارات لاحسن حد يزعل !
٢- دايما ابعتله اللي قاله مكتوب لأنه ممكن يوافقلك شفوي وينسي انه قال كده فاستخدم معاه Just to confirm وارسل ملخص مكتوب
٣-متنخدعش بالطاقة الزايدة اللي عنده لأنه لو شافك لطيف بزيادة هيتعامل معاك باسترخاء زيادة ومش هينجزك فدايما فكره بال Deadline
٤- ساعده يكون “حاسم” و “واضح” ساعتها هتاخد منه أحلى شغل
وافتكر يا صديقي ان زي ما الادارة محتاجه مشاعر طيبة .. محتاجه كمان حسم ومواجهة ونتايج