دي نوعية كده من الموظفين هتلاقيه دايما ماشي شايل طاجن سته يحسسك انه شايل الشركة علي اكتافه وبيتنهد كتير وسط كلامه ولو متعرفوش هتحس انه شايل فوق طاقته ومضغوط طول الوقت !
لكن لو عايش معاه في الشركة هتعرف ان دي مش الحقيقة
والحقيقة انه بيعرف يوزع الانطباع ده أكتر ما بيعرف يشتغل
بيقولك دايما ” معنديش وقت ” بس لو راقبت يومه هتلاقيه مضيع نصه في حجات لاقيمة لها …غير عنده !
انجازه الحقيقي انه واخد صورة ” المضغوط ” من غير انجاز حقيقي
طيب لو انت مديره تتعامل معاه ازاي ؟
١- حددله أولوياته بوضوح
٢- وريله مؤشرات وتقييم الأداء اللي بتعرف بيها الانجاز
٣- علمه أدوات وأساليب أسرع automation & Templates
٤- واجهه بلطف إن البطء مش ميزة وإن الانشغال الوهمي مش دليل كفاءة