مش دايما في حياتك هتكون بتختار بين الخير والشر أو الحلو والوحش ! أوقات هيكون قدامك اتنين وحشين وبتضطر تختار أقل الضررين … وأوقات تانية بيكون قدامك اتنين حلوين ومطلوب تختار أحلى الحلوين
الاختيار الصح وقتها مش في ” مين أحسن ” لكن في مين “أنسب ” لمرحلتك الحالية ومش هتندم عليه في المستقبل ! لأن أحيانا بتكون اختياراتك هتبسطك دلوقتي أو هتحللك مشكلتك الحالية لكن هتخلقلك مشكلة مستقبلية
فن المفاضلة بين القرارات مش انك تختار أحسن قرار ..انك تختار القرار الأصح اللي مش بالضرورة يكون أحسن قرار في المطلق بل ممكن يكون أسوأ قرار لشخص تاني مش في نفس ظروفك
وافتكر ياصديقي ان النضج الحقيقي مش إنك تختار صح لكن إنك تعرف ليه اخترت اللي اخترته..