القاعدة في علم الاجتماع بتقول لكل فعل رد فعل مختلف حسب النية والسياق وطبيعة العلاقة…يعني نفس الفعل اللي يمشي مع شخص ممكن مايجيبش أي نتيجة مع شخص تانيونفس الكلمة اللي تفتح باب عند حد ممكن تقفله عند غيره !
أكتر ناس بتتعب في حياتها هم اللي مش فاهمين القاعدة دي
مدير يخصم للفريق كله أو يكافئهم كلهم .. ومتوقع منهم رد فعل واحد !
أم تعاقب أولادها كلهم بسبب سلوك واحد ومتوقعة ان رد فعلهم يكون متشابه !
ظروف صعبة تضرب مجموعة من الناس في نفس المجتمع ، فهتلاقي واحد اشتغل أكتر واعتبرها دافع والتاني استسلم وقاللك الظروف أقوى مني.
الناس مش معادلات.. كل واحد فيهم منظومة من التجارب والوجع والخوف والتوقعات.
عشان كده ما تستناش رد فعل “متساوي” أو “عادل”
استنى رد فعل “انساني” بكل فوضاه وتعقيداته وجماله أحيانا
لكل فعل رد فعل مساو له في المقدار