أول ما بتقابل مشكلة بيكون أول سؤال لنفسك عن حل المشكلة أو ازاي تتخلص من آثارها النفسية عليك وبتدور علي حلول جذرية وازاي ترجع كل حاجة زي ماكانت ؟
والحقيقة طريقة تفكيرك دي اللي تعباك لأن للأسف مش كل مشكلة ليها حل !!!
في مشاكل محتاجة تأقلم لكنها مش هتتحل ولن تتوقف وفي ظروف لازم تتعامل مع آثارها عليك مش تحاول تمسحها وكأنها ما حصلتش !!
فيه أمراض مزمنة مالهاش علاج .. لكن محتاجه نظام حياة مختلف وفيه مشاكل تانية ليها حلول بس تكلفة حلها أغلي من الابقاء عليها والتعايش معها !!
النضج الحقيقي ياصديقي مش انك تعرف “تحل” كل حاجة
النضج انك تعرف تتعايش بحكمة مع اللي مش هيتحل.