نوع نادر من الموظفين .. شغال معاك وكأنه شريك حتى لو مش واخد ولا سهم واحد في الشركة موظف بيشتغل بعقلية صاحب الشركة!
عايز تعرفه بسهولة.. هتلاقيه بيعمل ال٣ سلوكيات دي
١- بيحافظ على الفلوس كأنها فلوسه
٢- شايف الصورة الكبيرة مش شغله هو بس
٣- بيشيل وقت الأزمة ومش بيستخبي
لما تلاقيه ، امسك فيه ونمي مهاراته واستثمر فيه عشان ده اللي بيطلع الشركة لقدام بدون ما تطلب ووجوده بيقلل عليك الرقابة والمتابعة ومشاكل كتير وهو أول حد بيشيل الحمل وآخر واحد يسيب المركب
ازاي تطور منه عشان حرصه عليك يكون متزن ومنضبط؟
١- شاركه الصورة الكبيرة مش التعليمات بس
٢- اديله صلاحيات مش أوامر
٣- اربط حرصه ودوره بالنتائج مش بالوقت
٤- اعمله خطة تدريب وتطوير
٥- وطبعا التقدير المادي
وافتكر ياصديقي ان الموظف المالك هو راس مال حقيقي للشركة وعائد الاستثمار فيه أكبر من أي عائد