ليه “قريب صاحب الشركة” سواء كان ابنه.. أخوه.. عمه غالبا بيكون مكروه.. حتى لو انسان كويس؟ وازاي بنعالجها في مشاريع إعادة هيكلة؟
الموضوع مش غيرة ولا انطباع ولا حساسية من بعض الأفراد تجاه “قريب صاحب الشركة” ده سلوك تنظيمي مدروس في علم النفس الإداري اسمه Nepotism Effect تأثير القرابة وده تفسيره باختصار في ٣ نقط سريعة
١- الموظفين بيحسوا إن القريب ليه معامله مختلفة ترقيته أسرع غلطه أخف ووصوله للإدارة أسهل
٢- فقدان الثقة : الناس بتخاف تتعامل معاهم بطبيعتها هل هيفهم كلامي ؟ هل ممكن ينقله ؟
٣- احساس الموظفين بأن القريب خد الطريق المختصر Shortcut
طيب ازاي بنتعامل مع المشكلة دي ؟
أولا : نفصل بين الادارة العائلية والإدارة المهنية بنظام حوكمة Governance واضح فيه حدود صلاحيات وآليات محاسبة عشان القريب يكون ضمن المنظومة مش فوقها .
ثانيا : بنعمل وصوف وظيفية قوية Job Descriptions و KPIs واضحة للقريب عشان يعرف دوره والناس تعرف تقييمه بيتم بناءا على ايه
ثالثا: بنعمل تواصل داخلي عالي Communication لأن الشفافية بتمنع سوء الظن وخاصة ان الموظفين ما بيكرهوش الشخص..هما بيكرهوا غياب العدالة اللي مرتبط بوجوده .
مهمة النظام الاداري القوي ان وجود “قريب صاحب الشركة” ما يبقاش مصدر توتر ويبقى جزء من المنظومة مش نقطة ضعف فيها.