بقابله كتير في مشروعات إعادة الهيكلة سهل تعرفه من أول دقيقة في كلامه وتتأكد من ده بمؤشرات سلوكية بيعملها
ده المدير اللي دايما مظلوم وتعبان وكان نفسه ينجح بس الظروف والناس والمجتمع والسوق وفريقه والنظام الإداري جايين عليه ومش مديينه فرصة يوريهم شطارته… ولا مرة المشكلة بتكون في قراراته أو أسلوبه
هتعرف المدير “الضحية” من ٣ مؤشرات سلوكية شائعة في النمط ده:
١- بيبرر أكتر ما بيواجه
٢- بيشتكي أكتر ما بيخطط
٣- بيحول أي فشل لقصة ظلم
طيب بنتعامل معاه ازاي؟
١- اشتغل معاه بطريقة امتي وازاي؟ واوعي تفتح معاه “ليه Why”؟ مش هتخلص
٢- إدارة الأداء مش التقييم هو الأهم للنوع ده من المديرين انك تتابعه بمؤشرات أسبوعية وDashboard واضحة و مقارنة قبل وبعد
المدير الضحية.. حاصره بنظامك الإداري القوي.. متدخلش معاه في جدل عاطفي.